ايران دولتی عربلرين ياشاديغی بولگه ده 11 آدامی حبس ائتديينی آچيقلاييب

ازهارای-امریکاسسی :ايران دولتی نين يايديغی معلوماتا گوره بير مدت قاباق نور يولچولاری( راهيان نور) کروانينا سيلاحلی هجوم
ائده رک خراسانين تايباد شهرينين امام جوماسی نين ئولومو و داها 7 نفرين يارالانماسينا سبب اولان 11 نفری حبس ائديب. ايرانين اطلاعات ناظرلييی نين يايديغی خبره گوره حبس اولونانلار 27 مارس دان بری حبسده ديرلر. اطلاعات ناظرلييی حبس ائديلن لری خارجی ئولکه لرله علاقه ده اتهام ائدير. ايران مئدياسی نين بيلديرديينه گوره خوزستان ايالتينه و 8 ايل ليک ايران- عراق محاربه سينين کئچميش دويوش بولگه لرينه باش چکمه يه گلن اتوبوسدا ديندار مدرسه اوشاقلاری اولوب. يادا سالاق کی، خوزستاندا اساسا عرب لر ياشايير. عرب لرين موختاريتی اوغروندا بير نئچه تشکيلات سياسی و بعضا سيلاحلی فعاليت گوسترير. کئچن ايل بو بولگه ده بير نئچه پارتلاييش اولموش و بير نئچه نفر هلاک اولموشدور. ايران محکمه لری عرب فعال لاريندان بيرنئچه سينی اعدام ائديب.