سون گونلرده تبریز شهرینده توتوقلانانلارین سایی سی یئنه آرتیب

هارای-اویرنجی نیوز: سون بیر هفته ایچینده تبریزده توتوقلانانلارین سایی سی هله ده دقیق لشمه ییب. 30 دان چوخ میللی فعالین توتوقلانماسیندان سوز ائدیله رکن یئنی توتوقلامالارین خبری گلیر. سون معلوماتا گوره تبریزده دورد نفر داها توتوقلانیب.
اویرنجی نیوزون مختلف قایناقلاردان الده ائتدیگی خبرلره گوره تبریزین رضوانشهر محله سینده یاشایان 27 یاشلی مهدی دهقان، تبریزین چیلله خانا محله سینده یاشایان 23 یاشلی ولی عبداله پور، مرسل بخشی و بهروز آدلی دیگر بیر گنج میللی فعال توتوقلانیب. توتوقلانانلارین قالدیغی یئرده ن و سون دوروملاریندان هئچ بیر خبر یوخدور.
تبریزده ن علاوه آذربایجانین دیگر شهرلرینده ده توتولانلار وار. آنجاق بو ساعته کیمی توتولانلارین دقیق سایی سی بللی اولماییب. چوخ تاسف اولسون کی آذربایجان دا توتولانلار باره ده فارس دیللی مئدیالار و اوزه للیکله رادیو فردا، رادیو بی بی سی، رادیو فرانسه و رادیو آلمان هئچ بیر خبر یاینلاماییب و بو خبرلری بایکوت ائدیب لر.
بوتون توتولانلارین عائله لری و دوست لاریندان ایسته نیلیرکی اطلاعات ین هده قورخولارینا قولاق وئرمه ده ن توتولان وطنداشلاریمیزین آدلارین میللی فعاللریمیزین و انسان حاقلاری اوزه ره فعالیت گوستره ن شخص لرین اختیاریندا قویسونلار.

azharay1@gmail.com